Diwylliant o ddysgu proffesiynol yn Ysgol Gyfun Pencoed

Mae’r ysgol yn datblygu diwylliant bywiog o ddysgu proffesiynol. Mae ffocws cryf ar ddatblygu addysgu yn seiliedig ar dystiolaeth uniongyrchol o gryfderau a meysydd i’w gwella mewn arfer ar draws yr ysgol. Mae amrywiaeth o ddulliau cyflenwol, gan gynnwys anogaeth, arfer yn seiliedig ar ymchwil, cynllunio a myfyrio ar y cyd, gweithdai dan arweiniad athrawon a digwyddiadau ysgol gyfan, yn cefnogi’r ysgol yn dda yn ei huchelgais i gryfhau addysgeg. Mae barn disgyblion yn chwarae rhan bwysig yn y gwaith hwn. Mae’r Arloeswyr Addysgeg (‘Pedagogy Pioneers’), sef grŵp o ddisgybl-arweinwyr, wedi cael hyfforddiant i ddatblygu cyfres werthfawr o fedrau i gydweithio ag arweinwyr i lywio gwelliannau mewn dulliau addysgu a dysgu.

Go Back