Ciplun: Partneriaeth Ysgolion Prifysgol Abertawe (PYPA)

Mae Partneriaeth Ysgolion Prifysgol Abertawe (PYPA) wedi gwreiddio lles myfyrwyr a staff yng nghraidd ei rhaglenni TAR ers eu cyflwyno yn 2020 ac yn 2022. Yn dilyn heriau pandemig COVID-19, datblygodd y bartneriaeth amgylchedd dysgu cynhwysol a diogel trwy fentrau fel ‘Dydd Mercher Lles’ a chynllunio calendrau o ddigwyddiadau yn ofalus. Mae myfyrwyr yn elwa o raglenni sy’n dechrau’n gynnar ac adnoddau strategol fel ystafelloedd dosbarth arsylwi a labordai arbenigol, gan hwyluso pontio a hybu hyder. Mae perthnasoedd yn ganolog i’r dull, gyda diwrnodau Arfer a Theori yn meithrin deialog ymhlith myfyrwyr, tiwtoriaid ac ysgolion. Mae cefnogaeth yn parhau yn ystod lleoliadau, gydag ymgysylltu â mentor, sesiynau galw heibio, ac ymyriadau teilwredig yn cynnal cysylltiadau cymunedol cryf. Mae iechyd meddwl myfyrwyr yn cael ei gefnogi ymhellach trwy arferion creadigol, gan gynnwys ymwybyddiaeth ofalgar a chŵn lles, gyda lles academaidd yn cael ei gryfhau trwy adborth ffurfiannol a chyfleoedd i ddiwygio aseiniadau terfynol.

Go Back