Ciplun: Partneriaeth Ysgolion Prifysgol Abertawe

Mae Partneriaeth Ysgolion Prifysgol Abertawe (SUSP) wedi gosod ymchwil addysgol ac ymholi proffesiynol wrth wraidd ei rhaglenni TAR. I yrru ei gweledigaeth, sef meithrin ymarferwyr myfyriol, wedi’u llywio gan ymchwil, sefydlodd SUSP y Ganolfan Ymchwil i Ymarfer (CRIP), sy’n cefnogi prosiectau cydweithredol a hygyrch gydag ysgolion a rhanddeiliaid. Mae myfyrwyr yn archwilio ymchwil yn systematig gan ddefnyddio deunyddiau teilwredig ac aseiniadau yn arddull arfer glinigol, ac mae dyluniad rhaglenni yn annog ymchwiliadau ymarferol a dysgu ar sail theori. Mae buddsoddi mewn staffio, seilwaith a DPP yn sicrhau diwylliant ymchwil ffyniannus wedi’i gefnogi gan fentrau fel ystafelloedd dosbarth arsylwi, ‘gwib-garu’ gydag ymchwilwyr y gyfadran a seminarau rheolaidd. Mae holl staff yr adran yn gwneud ymchwil yn weithgar ac mae athrawon dan hyfforddiant yn elwa o gyfleoedd ymchwil go iawn, mewn lleoliadau addysgol amrywiol. Mae prosiectau fel y Rhwydwaith Ymchwilwyr Addysg Ifanc (YERN) yn ymestyn effaith i ysgolion a chymunedau, ac mae cyn-aelodau yn myfyrio’n gadarn ar werth ymchwil i’w gyrfaoedd cynnar.

Go Back