Meithrinfa Homestead Nursery

Mae arweinwyr ym meithrinfa Homestead Nursery yn darparu adnoddau pwrpasol sy’n cefnogi datblygiad cyfannol plant mewn ffordd gyffrous ac arloesol. Maent yn rhoi ystyriaeth dda i ddatblygiad plant ac yn sicrhau eu bod yn manteisio’n briodol ar weithgareddau sy’n adeiladu ar alluoedd unigolion yn hynod effeithiol wrth iddynt symud drwy’r lleoliad. Maent yn defnyddio hen ddodrefn, planhigion a drychau yn greadigol ac yn llwyddiannus i greu amgylchedd cynnes a chartrefol lle mae plant, ymarferwyr ac ymwelwyr yn teimlo’n hamddenol. Caiff yr amgylchedd ei gyfoethogi ymhellach gan ystod o adnoddau dychmygus sy’n ysgogi synhwyrau’r plant yn arbennig o dda. Er enghraifft, caiff ffrwythau ffres a rhai wedi’u dadhydradu, perlysiau ffres ac ardaloedd cerddorol â phiano segur sydd â’i weithrediadau’n agored eu defnyddio’n effeithiol i ysbrydoli chwilfrydedd.

Go Back